Uyu mubane kandi ukomeje gutera imbere mu ikoreshwa ry'imbuga nkoranyambaga kubera ikwirakwira rya murandazi umunsi ku munsi.
Muri iyi nkuru reka turebere hamwe Abanyafurika bakurikirwa kuruta abandi ku rukuta rwa Instagram:
16.Wizkid: miliyoni 18.2
Uyu ni umunyamuziki ukunzwe na benshi mu njyana ya Afrobeats, aho yakoze indirimbo ye ya mbere mu mwaka 2001. Wizkid akomoka muri Nigeria ubu akaba afite imyaka 35.
15.Diamond Platnumz: miliyoni 18.6
Uyu munyamuziki akomoka muri Tanzania, yakoze indirimbo nyinshi zakunzwe cyane muri Afurika y'Iburasirazuba. Naseeb Abdul Juma Issack yatangiye gukora umuziki mu mwaka wa 2009.
14.Tiwa Savage: miliyoni 19.2
Amazina ye nyakuri yitwa Tiwatope Omolara Savage, yatangiye umuziki mu mwaka 1996 akaba umwe mu bafite izina rikomeye mu muziki wa Nigeria no muri Afurika muri rusange.
13.Yasmin Abdulaziz: miliyoni 20
Iki cyamamarekazi cy'imyaka 45 y'amavuko, gikomoka mu gihugu cya Misiri akaba afite izina rikomeye muri sinema.
12.Candice Swanepoel: miliyoni 20
Candice akomoka mu gihugu cya Afurika y'Epfom akaba afite imyaka 36 y'amavuko. Azwi cyane mu rugamba rwo kumurika imideli, umwuga yatangiye mu mwaka wa 2003.
11.Ahmed Helmy: miliyoni 20.6
Ahmed Muhammad Helmy Abdel Rahman Awwad w'imyaka 56 y'amavuko, ni icyamamare muri sinema, urwenya ndetse akora ibiganiro bitandukanye kuri televiziyo.
10.Achraf Hakimi: miliyoni 21.2
Hakimi ni Umunya-Marocco ukinira ikipe ya Paris Saint Germain mu Bufaransa. Akaba afite imyaka 26 y'amavuko. Usibye kwinjiza agatubutse kubera ruhago, ni umwe mu bakurikirarwa na benshi ku Isi ku mbuga nkoranyambaga byumwihariko Instagram.
9.Hana El Zahed: miliyoni 21.7
Uyu ni umukinnyi wa sinema akaba n'umuririmbyi ukomoka mu gihugu cya Misiri, ku myaka 31 y'amavuko, ari mu bakurikiranwa na benshi kuri Instagram ku mugabane wa Afurika.
8.Yasmine Sabri: miliyoni 23
Yasmine Ashraf Sabri, ni umukinnyi wa sinema akaba n'umunyamideli w'imyaka 31 y'amavuko ukomoka mu gihugu cya Misiri. Uyu mugore yatangiye uyu mwuga we mu mwaka wa 2013.
7.Mustafa Hosny: miliyoni 24.5
Uyu mugabo akomoka mu gihugu cya Misiri akaba afite imyaka 47 y'amavuko, akurikirwa na benshi kubera ubwamamare yakuye mu kwigisha imyemerere inshingiye ku idini rya Islam.
6.AB de Villiers: miliyoni 28.6
Abraham Benjamin de Villiers ni umunya-Afurika y'Epfo, akaba yarabaye icyamamare mu mukino wa Cricket. Yavutse tariki 17 Gashyantare 1984.
5.Davido: miliyoni 30.2
Icyamamare muri muzika, David Adedeji Adeleke uzwi nka "Davido" yatangiye uyu mwuga mu mwaka 2010, akaba yarakoze indirimbo zakunzwe nka 'Assurance' yasohoye mu mwaka wa 2018, 'Hayya Hayya' yakoreye igikombe cy'Isi cya 2022 n'izindi.
4.Mohamed Ramadan: miliyoni 32
Uyu mugabo ukomoka mu gihugu cya Misiri, ni icyamamare mu njyana ya Hip-hop, umuririmbyi ndetse n'umukinnyi wa sinema. Yavutse tariki 23 Gicurasi 1988 akaba afite imyaka 37 y'amavuko.
3.Amr Diab: miliyoni 32
Umunya-Misiri Amr Abdel Basset Abdel Azeez Diab, azwi cyane mu muziki ndetse no mu gukina sinema. Yatangiye kumenyekana mu mwaka wa 1983, bituma akurikiranwa na benshi kuri Instagram.
2.Tamer Hosny: miliyoni 41.1
Tamer Hosny Sherif Abbas Farghaly ni icyamamare mu njyana ya 'Arabic pop', ndetse na "Khaliji". Afite imyaka 47 y'amavuko, ubwamamare yabukuye mu muziki ndetse no mu gukina sinema bituma akurikirwa na benshi ku rukuta rwa Instagram.
1.Mohamed Salah: miliyoni 65.7
Mohamed Salah Hamed Mahrous Ghaly ni umukinnyi wa Liverpool mu gihugu cy'Ubwongereza, akaba icyamamare bitewe n'uko ari umwe mu bakinnyi bakomeye i
Burayi ndetse no ku mugabane wa Afurika.
Salah yakiniye amakipe nka Chelsea, Roma, ACF Fiorentina ndetse n'ayandi, buri cyumweru akaba ahembwa ibihumbi 40 by'amayero, angana 776 236 000 Rwf.
Iyi mibare ishingiye ku biheruka igihe twakoraga iyi nkuru ariko ihinduka umunsi ku munsi kuko aba bose bari muri uru rutonde ndetse n'abashobora ku batarurimo imibare yabo ishobora kuzamuka.
Mohamed Salah aherutse kongera amasezerano y'igihe kirekire mu ikipe ya Liverpool
Abanyamuziki ndetse n'abakinnyi ba sinema bihariye imyanya myinshi muri uru rutonde
