Donald Trump wabaye Perezida wa 45 wa Leta Zunze Ubumwe z'Amerika akaba ashaka no kongera kuyobora iki gihugu, hongeye kubaho ibikorwa byo kumurasa nyuma y'amazi abiri arasiwe muri Pennsylvania ariko akarokoka.
Mu ijoro ryakeye, nibwo umugabo w'imyaka 58 witwa Ryan Wesley Routh yagerageje kurasa Trump ubwo yarimo akina golf muri Florida. Amazina y'uyu mugabo yamenyekanye ku bucukumbuzi bwa BBC ndetse CBC News.
Uyu mugabo yafashwe yitwaje imbunda y'Abarusiya ya AK-47 aho yagerageje kurasa amasusu aho Trump yakiniraga ariko urwego rwa Secret Service rumufata ataramurasa.
Ryan Wesley akaba asanzwe ashaka abarwanyi bajya kurwanira Ukraine mu ntambara ihanganyemo n'u Burusiya, akaba yashatse kurasa Trump kuko yavuze ko natorwa azahita ahagarika intambara.
Mu mezi abiri ashize, nibwo Trump yarashwe ugutwi ubwo yari mu bikorwa byo kwiyamamaza mu Pennsylvania ariko uwamurashe nawe yahise araswa, Trump nawe aravurwa arakira.
Amatora yo muri Leta Zunze Ubumwe z'Amerika akaba ategerejwe ku wa 05 Ugushyingo 2024, aho Trump azahatana na Visi Perezida Kamala Harris wasimbuye Joe Biden nyuma yo gukuramo kandidatire.
Umugabo w'imyaka 58 witwa Ryan Wesley Routh wagerageje kurasa Trump
Donald Trump yarusimbutse bwa Kabiri
