Uru ni urutonde rw'abahanzikazi 10 batunze agatubutse ku Isi:
10. Jennifer Lopez
Jennifer Lopez w'imyaka 55 y'amavuko, akaba abarirwa ko atunze akayabo kangana na miliyoni 400 y'amadorali, akura mu bikorwa bye bya buri munsi byo gukina filime nko kuririmba, byose amazemo igihe.
9. Victoria Beckham
Victoria Beckham w'imyaka 50 y'amavuko wamenyekanye cyane nk'umugore wa David Beckham wakanyujijeho mu mupira w'amaguru.
Uyu mugore akaba abarirwa ko atunze akayabo kangana na miliyoni 450 z'amadorali, akura mu bikorwa byo guhanga imideli no kuririmba.
8. Dolly Parton
Umuhanzikazi Dolly Parton akaba abarirwa ko atunze akayabo kangana na miliyoni 650 z'amadorali akura mu bikorwa byo kuririmba, kwandika ibitabo n'indirimbo ndetse no gukina filime.
7. Grollia Estefan
Grollia Estefan uri mu batangiye umwuga wo kuririmba akiri umwana muto cyane, abarirwa ko atunze akayabo kangana na miliyoni 700 z'amadorali akura mu bikorwa byo kuririmba no kumurika imideli.
6. Beyoncé
Beyoncé Knowless Carter umaze kwibikaho uduhigo dutandukanye mu muziki, abarirwa ko atunze akayabo kangana na miliyoni 800 z'amadorali akura mu bikorwa byo kwandika indirimbo no kuririmba ndetse no gukina filime.
5. Celine Dion
Umuhanzikazi Celine Dion ubimazemo igihe kirekire ndetse akaba yaragiye yegukanamo ibihembo bikomeye, akaba abarirwa ko atunze akayabo kangana na miliyoni 800 z'amadorali.
4. Madona
Uyu ni umwe mu bahanzikazi b'abamiliyoneri uruganda rw'umuziki rufite ku Isi, kuko abarirwa ko atunze akayabo k'arenga miliyari 1.2 z'amadorali.
3. Selena Gomez
Selena Gomez nawe ku munsi w'ejo nibwo byamenyekanye ko yamaze kugera ku rutonde rw'abahanzikazi batunze akayabo, aho kuri ubu abarirwa ko atunze akayabo k'arenga miliyari 1.3 z'amadorali, akura mu bikorwa byo kuririmba, gukina filime ariko by'umwihariko agakura agatubutse muri kompanyi yashinze icuruza ibirungo by'ubwiza yitwa 'Rare Beauty'.
2.Taylor Swift
Taylor Swift nawe ni umwe mu bahanzikazi baza mu myanya y'imbere y'abatunze akayabo k'arenga miliyari 1.3, dore ko amaze iminsi akora ibitaramo bizenguruka Isi yise 'Era Tour' yasaruyemo agatubutse.
1. Rihanna
Uyu muhanzikazi umaze igihe kinini ayoboye abahanzikazi benshi batunze agatubutse, kugeza ubu ntawe urabasha kumuhigika ngo abe yayobora dore ko afite ibikorwa bimwinjiriza.
Icyakora Rihanna asa n'uwasubiye inyuma gato kuko kuri ubu abarirwa ko atunze akayabo k'arenga miliyari 1.4 z'amadorali, mu gihe mu minsi yashize yari afite arenga miliyari 1.7 z'amadorali.
Aka kayabo Rihanna atunze akaba agakura muri kompanyi yashinze icuruza ibirungo by'ubwiza yitwa 'Fenty beauty', kuririmba, kumurika imideli no gukina filime.