Kuri uyu wa Gatanu nibwo hatangiye imikino y'umunsi wa 19 wa shampiyona ya Primus National League, aho hakinwe imikino ibiri ku bibuga bitandukanye.
Umukino wa mbere wabereye i Ngoma aho ikipe ya Rwamagana City yari yakiriye Kiyovu Sports. Kiyovu yari imaze imikino itatu itabona intsinzi, mu gihe Rwamagana City nayo yatsinzwe imikino ibiri iheruka.
Kiyovu Sports yafunguye amazamu ku munora wa 40 ku gitego cyatsinzwe na Bigirimana Abedi ihita iyobora umukino, ndetse bajya kuruhuka ari uku bimeze ubundi abafana ba Kiyovu batangira kurota gutwara amanota atatu y'umunsi.
Bakiva kuruhuka ku munota wa 47, Rwamagana City yaje kwishyura igitego bikomeza kugora Kiyovu Sports, ariko ku munota wa 78 Bigirimana Abedi yongera gutsinda igitego cya kabiri.
Ibi bitego Kiyovu Sports yabashije kubirinda umukino urangira icyuye amanota atatu yayigejeje ku mwanya wa gatatu ku rutonde rw'agateganyo rwa shampiyona.
Undi mukino Gasogi United yari yakiriyemo Rutsiro FC, Gasogi yatsindaga Rutsiro yishyura birangira amakipe anganyije ibitego 2-2.
Gasogi yafunguye amazamu ku munota wa 31 ku gitego cyatsinzwe na Djoumekou cyaje kwishyurwa na Watanga Shukuru ku munota wa 45. Bavuye kuruhuka, Gasogi United yongeye kubona igitego ku munota wa 63 gitsinzwe na Danny Niyongira ariko cyishyurwa na Gabriel Matata ku munota wa 80.
Imikino isigaye y'umunsi wa 19
Ku wa Gatandatu tariki ya 11 Gashyantare 2023
Gorilla FC vs AS Kigali
Olice FC vs Mukura VS
Etincelles FC vs Espoir FC
Rwamagana City vs Kiyovu Sports
Sunrise FC vs Marines FC
Ku Cyumweru tariki ya 12 Gashyantare 2023
Bugesera FC vs Musanze FC
APR FC vs Rayon Sports
Kiyovu Sports yakuye amanota kuri Rwamagana City
Gasogi United yatakaje amanota abiri
Uko urutonde rwa shampiyona ruhagaze
