Mu gihebyitezwe ko muri iyi mpeshyi N'Golo Kante ashobora kuva mu ikipe ya Chelsea yerekeza muri Al-Ittihad yo muri Saudi Arabia, biravugwa ko uyu musore afite gahunda yo kugura ikipe y'umupira w'amaguru.
Inkuru dukesha umunyamakuru Sacha Tavolieri ivuga ko N'Golo Kante na bagenzi be bafatanyije bari gusoza deal yo kugura ikipe yitwa Royal Excelsior Virton ikina ikiciro cya gatatu mu Bubiligi.
Iyi kipe ntirimo abakinnyi bafite amazina azwi cyane kuko urimo uzwi wanyuze mu ikipe ikomeye ari Yacoub Sylla wanyuze muri Aston Villa.
N'Golo Kante amaze iminsi avugwa cyane mu ikipe ya Al-Ittihad ndetse bivugwa ko ikizami cy'ubuzima yamaze kugikora, igisigaye ari gusinya amasezerano no kwerekanwa.
Bivugwa ko uyu mugabo ashobora kujya ahembwa akubye gatandatu ibihumbi 290 by'amapawundi yahabwaga muri Chelsea ku cyumweru, akaba yageza kuri miliyoni 1.7 y'amapawundi ku cyumweru.
Stade y'ikipe ya Royal Excelsior Virton Kante agiye kugura(Net-photo)
