Mu kiganiro yahaye abanyamakuru nyuma y'umukino yatsinzwemo na Tottenham Hotspur igitego 1-0, yasobanuye ikibazo cya buri mukinnyi ariko ahuriza ku kuba bose bashobora kuzagaruka mbere y'uko shampiyona itangira.
Umunya-Brazil Gabriel Magalhaes yavunitse mbere y'uko uyu mwaka w'imikino wa 2024-2025 urangira, ndetse aherutse kongera amasezerano. Magalhaes kandi ntabwo yakinnye imikino itatu ya gicuti Arsenal yakinnye muri Aziya.
Riccardo Calafiori we yakinnye imikino Arsenal yahuyemo na AC Milan ndetse na Newcastle United, ariko ntiyagaragaye ku mukino wo kuri uyu munsi na Tottenham Hotspur.
Myugariro w'Umuholandi, Jurrien Timber yabazwe imvune muri Gicurasi 2025, gusa kuri uyu wa Kabiri yakoze imyitozo hamwe n'abandi.
Ikipe ya Arsenal umukino wa mbere wa Premier League izawukina tariki 17 Kanama 2025 na Manchester United, ukazabera Old Trafford ku kibuga cya Manchester United.
Imikino Arsenal imaze gukina n'iyo isigaje yo kwitegura umwaka mushya w'imikino:
23 Nyakanga 2025: Arsenal 1-0 AC Milan
27 Nyakanga 2025: Arsenal 3-2 Newcastle United
31 Nyakanga 2025: Arsenal 0-1 Tottenham Hotspur
06 Kanama 2025: Arsenal na Villarreal kuri Emirates Stadium
09 Kanama 2025: Arsenal na Athletic Club kuri Emirates Stadium
Ikipe ya Arsenal ni imwe mu makipe ihabwa amahirwe yo kwegukana Premier League y'umwaka w'imikino wa 2025-2026
Ikipe ya Arsenal yananiwe kwikura imbere ya Tottenham Hotspur umukino wabereye Hong Kong
