Imwe mu nkuru zatigishije imbuga nkoranyambaga, ni inkuru y’umuhanzi Niyo Bosco waciye amarenga ko hari inkumi yitwa Keza Nabrizza yaba yaramutwaye uruhu n’uruhande.
Nta rukundo hagati ya Niyo Bosco na cya kizungerezi
Ni amakuru yasakajwe ku mbuga nkoranyambaga mu ijoro ryo ku wa 16 Mutarama 2024, nyuma y’uko uyu muhanzi asangije abamukurikira ku rubuga rwa Instagram, amashusho ari gusangira n’uyu mukobwa.
Icyakora, ayo mashusho ntiyamaze kabiri ku rubuga rwa Instagram kuko Niyo Bosco yahise ayasiba, ndetse amakuru akaba avuga ko ari abashinzwe kureberera inyungu ze bahisemo ko ayo mashusho asibwa.
Nubwo ariko iyi nkuru y’urukundo rwa Niyo Bosco n’iki kizungerezi yamaze guca igikuba, hari amakuru avuga ko ibyagaragaye mu mashusho na hantu na hato bihuiriye n’urukundo, ahubwo ari akazi.
Ibya Niyo Bosco na Keza Nabrizza si urukundo ni amashusho y'indirimbo
Amakuru aturuka mu ba hafi ya Niyo Bosco, avuga ko ari amashusho yafatiwe aharimo gufatirwa amashusho y’imwe mu ndirimbo ziri kuri EP nshya y’uyu muhanzi. Bivuze ko ari amashusho y’indirimbo yari arimo gufatwa, nta hantu na hato bihuriye n’urukundo nk’uko byari byamaze gukwirakwira ku mbuga nkoranyambaga.
