Cardi B na Offset basanzwe bakunzwe n'abatari bake ndetse bakaba babana nk'umugore n'umugabo, kuri ubu nta n'umwe uri gukurikira undi ku mbuga nkoranyambaga.
Ibi bibaye nyuma y'uko Cardi B w'imyaka 31 yari aherutse kwandika ku rukuta rwe rwa Instagram(kuri story) ati:''Ndambiwe kurinda amarangamutima y'abandi...Ngiye kwishyira imbere.''
Mbere y'isaha imwe gusa mbere y'uko Cardi B ashyira ayo magambo kuri Instagram ye, Offset nawe yari yashyize video kuri Instagram ye(kuri story), aho benshi mu bayibonye baketse ko yabwiraga uyu mugore we nyuma yo kubona ibyo nawe yahise yandika.
Cardi B na Offset bivugwa ko bahuye mu 2016 bahujwe n'ibikorwa bya muzika, bakaba baratangiye gukundana muri Mutarama 2017 ndetse muri uko kwezi bahita basohora indirimbo bise Lick.
Mu 2018 aba bombi barashyingiranwe ariko babikora mu ibanga, ariko mu Ukuboza 2019 Cardi B ashinja uyu mugabo we kumuca inyuma n'ubwo bakomeje kubana, ariko muri Nzeri 2020 uyu mugore yasabye ko yahabwa gatanya.
Nyuma y'amezi make aba bombi bongeye kwiyunga bakomezanya urugendo rw'urukundo, gusa kuri ubu bigaragara ko umubano wabo waba wongeye kuzamo agatotsi n'ubwo ntawe uravuga uwundi mu byo bakomeje gushyira ku mbuga nkoranyambaga zabo.
Kugeza ubu Cardi B ntaravuga impamvu yaba yahagaritse gukurikira umugabo we kuri Instagram, gusa na Offset nta kintu arabivugaho.
Cardi B na Offset bamaranye imyaka isaga irindwi
