Tolani Baj yavuze ko yatewe ubwoba n'abafana ba Wizkid

Tolani Baj yavuze ko yatewe ubwoba n'abafana ba Wizkid

Rudahara Avithe Rudahara Avithe  Jul 1, 2024 - 12:22

Umukinnyikazi wa filime umwe mu bakunzwe mu gihugu cya Nigeria, yahishuye ko abafana ba Wizkid bamukangishije ku mwica azira gushyigikira Don Jazzy.

Umukinnyi wa filime umunya-Nigeria, Tolani Baj, yatangaje ko yatewe ubwoba n'abafana ba Wizkid.

Tolani yabivuze mu gice cya 'Bahd And Boujee Podcast' asobanura ko yakiriye yakangishijwe kwicwa n’abafana ba Wizkid kubera ko yari ashyigikiye Don Jazzy umuhanzi akaba na Producer.

Yagize ati: "Natewe ubwoba n'abafana ba Wizkid nyuma yo kuba ku ruhande rwa Don Jazzy."

Tubibutse ko ku ya 29 Mata, Wizkid abinyujije ku rubuga rwa X yavuze ko umuyobozi wa Mavin record adashobora kuba producer ahubwo ko ari umuntu ukomeye ku mbuga nkoranyambaga, ibintu byateje impagarara ku mbuga nkoranyambaga.

Tolani Baj w'imyaka 30 y'amavuko yagaragaye muri firime nka ‘Teni’s Big Day’, ‘Mercy Line’, yitabiriye kandi amarushanwa ya Big Brother Naija mu 2020.