Umugabo ukomoka mu Bwongereza umaze kwegukana Formula 1 inshuro zirindwi, Lewis Hamilton hamwe n’icyamamare mu njyana ya pop, umunya-Colombia, Shakira, biravugwa ko bakundana kandi bashobora guhita bajyana mu biruhuko bwa mbere.
Lewis Hamilton na Shakira bataremeza urukundo rwabo, bashobora kuba bagiye kujyana mu biruhuko
Nyuma ya Grand Prix yo muri Spain, ibihuha kuri aba bombi byakajije umurego nyuma yuko Shakira yitabiriye amasiganwa ya Lewis Hamilton, ndetse amakuru amwe, yavugaga ko basangiye ifunguro i Barcelona mu mpera z’icyumweru gishize.
Nkuko amakuru abitangaza, ngo hari urukundo hagati yabo bombi bari muri Catalunya, ndetse ngo abababonye, bababonye basomana.
Umwe mu banyamakuru bafitanye umubano mwiza n'uyu muririmbyi wo muri Colombia ni Jordi Martin, aho mu kiganiro 'Amor y Fuego', aherutse kuvuga ko uyu muhanzikazi n'uyu mushoferi bitegura kujyana mu biruhuko ku nshuro ya mbere.
Yagize ati: "Hamilton na Shakira barateganya kujya mu biruhuko hamwe kandi nzi aho bazajya. Ni igihugu cya Karayibe, urugendo rugufi rw'isaha imwe."
Yagira ikindi avuga ku byerekeye ibiruhuko, ariko asobanura ko bifuza gutwara umubano wabo buhoro.
Bivugwa ko impamvu bateremeza urukundo rwabo ku mugararagaro, ari uko bashaka kubitwara gake
Yongeyeho ati: "Mfite abantu begereye Shakira kandi bahuye muri iki cyumweru kandi yababwiye ko yishimye kandi amerewe neza.”
Shakira aherutse gutandukana n’umugabo w’igihe kirekire Gerard Pique, wahoze akina umupira wamaguru muri Barcelona no mu ikipe y’igihugu ya Sprain.
