Rutahizamu ngenderwaho w'Amavubi yatandukanye n'ikipe yakiniraga

Rutahizamu ngenderwaho w'Amavubi yatandukanye n'ikipe yakiniraga

Fabrice NDAYISHIMIYE Fabrice NDAYISHIMIYE  Jan 17, 2023 - 09:50

Rutahizamu Gerard Bi Goua Gohou uherutse gutangira gukinira Amavubi yatandukanye n'ikipe ya FC Aktobe yo muri Kazakhstan yakiniraga.

Ku gicamunsi cyo kuri uyu wa Kabiri nibwo byamenyekanye ko rutahizamu Gerard Bi Gohou yamaze gutandukana na FC Aktobe yagezemo mu 2022.

Ibi iyi kipe yabyemeje mu itangazo yasohoye yifashishije imbuga zayo nkoranyambaga yemeza ko yamaze gutandukana n’abakinnyi batatu basoje amasezerano 

Muri abo harimo rutahizamu Gerard Bi Goua Gohou watangiye gukinira Amavubi muri Nzeri umwaka ushize, Umunya-Kazakhstan wakinaga nka myugariro Temirlan Erlanov ndetse na Rogerio Alves usatira anyuze ku mpande ukomoka muri Brazil.

Mbere yo kujya muri FC Aktobe Gaerard Bi Gohou yakiniye amakipe atandukanye nka JC Abidjan yo muri Côte D’Ivoire, Hassania Agadir yo muri Maroc, Neuchâtel Xamax yo mu Busuwisi, Kasımpaşa S.K., Denizlispor na Kayseri Erciyesspor zo muri Turikiya, Beijing Sport University Football Club yo mu Bushinwa na Krasnodar yo mu Burusiya.