Kuri uyu wa Kabiri tariki 06 Kamena 2023 nibwo ikipe ya Al Ittihad yatangaje ko yamaze gusinyisha rutahizamu Karim Benzema wakiniraga ikipe ya Real Madrid yari amazemo imyaka 14.
Mu mazina menshi yavugwaga gukurikira Karim Benzema muri shampiyona ya Saudi Arabia isanzwe inakinamo Cristiano Ronaldo, harimo umufaransa N'Golo Kante usanzwe akinira Chelsea.
Kuri ubu inkuru dukesha Fabrizio Romano iravuga ko uyu mugabo wafashije uBufaransa kwegukana Igikombe cy'isi mu 2018, yamaze kumvikana n'ikipe ya Al Ittihad akaba agiye gukinana na Benzema.
N'Golo Kante yumvikanye na Al Ittihad gusinya amasezerano y'imyaka ibiri ashobora kongerwaho undi mwaka umwe, akaba azajya ahembwa miliyoni 100 z'amayelo ku mwaka.
Kante agiye kuva muri Chelsea yagezemo mu 2016 ubwo yari avuye muri Leicester City yari amaze gufasha gutwara igikombe cya shampiyona.
Uyu mufaransa w'imyaka 29 yatwaye ibikombe byinshi muri Chelsea birimo UEFA Champions League, Europa League, Premier League, UEFA Super Cup n'ibindi.
Kante yamaze kumvikana na Al Ittihad
