Ikipe y’igihugu ya Repuburika iharanira Demokrasi ya Congo yasezerewe muri iri rushanwa nyuma y’ibizamini bya ’MRI’,byakorewe abakinnyi b’iki gihugu bagasanga abakinnyi 15 muri 20 bahamagawe barengeje imyaka 17.
Mu Cyumweru gishize, ishyirahamwe ry’umupira w’amaguru muri iki gihugu, FECOFA, ryari ryatangaje ko ryatumiye abaganga bo gufasha gupima niba abakinnyi batarengeje imyaka, mu rwego rwo kwirinda igisebo cyo gukurwa mu irushanwa ariko byarangiye ibyo birindaga aribyo bibaye.
Ibi bibaye kuri Congo nyuma y'uko muro Cameroun ho basezereye abakinnyi 11 mu bizami byakoreshejwe na Samuel Eto'o ariwe perezida w'ishyirahamwe ry'umupira w'amaguru muri icyo gihugu.
Biteganyijwe ko iri rushanwa rizatangira tariki ya 12 rikarangira tariki 24 Mutarama 2023, abaritegura bakaba bari kureba uburyo bushya ryakinwamo nyuma yo gukuramo Congo kuko ubu hasigayemo Congo-Brazzaville, Cameroun, Centrafrique na Tchad.
Amakipe abiri ya mbere azahita abona itike y’Igikombe cya Afurika cy’Abatarengeje imyaka 17, kizabera muri Algerie muri Mata 2023.
Ikipe y'igihugu ya RDC yasezerewe izira kurenza imyaka
