Kim Kardashian, no kuba icyamamare ku isi yose byamuhaye inyungu nyinshi z’amafaranga, haba ku mbuga nkoranyambaga aho miliyoni z’abayoboke be bamufasha kugirana amasezerano y’ubufatanye n’ibirango bikomeye, ikiganiro cye bwite hamwe n’umuryango we, ndetse n’ikigo cye cya Skims gikora imyambaro.
Imyambaro ya Kim Kardashian yatabaye ubuzima
Isosiyete ye y'imyambarire, ikora imyenda y’imbere, imyenda ya siporo ndetse na ya myambaro isubiza umubiri ku murongo(bodysuit). Umwe muri iyi myambaro uherutse kurokora ubuzima bw’umugore. Nkuko Angeline Wiley abitangaza, ngo bodysuit yo muri Skims yamurinze gupfa nyuma yo kuraswa inshuro enye.
Angeline Wiley avuga ko umwambaro wakoze na Kim Kardashian wamubujije gupfa nyuma yo kuraswa inshuro enye
Uyu mugore yatangaje iyi nkuru abinyujije kuri TikTok akoresheje amashusho. Wiley yasobanuye neza ibyabaye ku ya 1 Mutarama mu mujyi wa Kansas, muri Leta ya Missouri.
Mu gihe yari ategereje Lyft, yarashwe inshuro enye. Hari ukuntu yashoboye kubaho kandi ikiruta byose, ashimira uwahoze ari umugore wa Kanye West.
Yabisobanuye agira ati: “Kim Kardashian yarokoye ubuzima bwanjye. Ati: “Ku mugoroba w'umwaka mushya narashwe inshuro enye. Ijoro narashwemo, nari nambariye kuri bodysuit ya Skims.
Kim Kardashian yishimiye ubuhamya bwa Angeline Wiley
Iyi bodysuit, yari imfashe neza ku buryo byambujije kuva amaraso menshi.” Avuga ko iyi bodysuit yakoze nk’ingabo ikingira umubiri we.
Nyuma y’ibyabaye, Wiley avuga ko agiye kugura imyenda myinshi kwa Kim Kardashian kuko yamenye ko agomba kuyambara buri munsi.
Yashoje agira ati:”Ushobora kubyita ibyateganijwe, cyangwa ko byakozwe n'Imana, ariko rwose ngiye kubyita Kim!” Iyi nkuru yabaye kimomo, ku buryo na Kim ubwe yayakiriye, akanayishimira cyane.
