Kuri uyu wa Kabiri urukiko rwo muri Las Vegas muri Leta Zunze Ubumwe z'Amerika rwatangaje ko rurekuye by'agateganyo Duane Davis uzwi ku izina rya Keefe D wari ufunze akekwaho uruhare mu rupfu rw'umuraperi w'Umunyamerika 2Pac Amaru Shakur Makaveli wishwe arashwe mu 1996.
Keefe D umugabo w'imyaka 60, akaba yarekuwe nyuma y'uko abanyamategeko be bari bamaze iminsi baratanze icyifuzo cy'uko umukiriya wabo yaburana ari hanze. Nyamara, Leta ya Nevada yari yandikiye urukiko irusaba ko gusoka kwe byateshwa agaciro, kuko ngo ifungurwa rye ryari riteje ikibazo.
Keefe D ukekwa mu rupfu rwa 2Pac yafunguwe by'agateganyo
Kuri iyi ngingo, urukiko rwanzuye ko ifungurwa ry'uyu mugabo nta mpungenge riteje kuri rubanda, ko azajya aburana ari hanze ntakibazo. Urukiko rwavuze ko urupfu rwa 2Pac, rufitanye isano n'imyidagaduro ndetse n'amafaranga, bityo ko gufungurwa kwa Keefe D, ntaho byahungabanya umuryango mugari.
Keefe D, akaba yarekuwe hatanzwe ingwate ingana n'amafaranga $750,000. Uyu mugabo, akaba afunguwe, nyuma y'uko yari yarafashwe na Polisi muri Nzeri 2023.
Keefe D ukwekwaho urúhare mu rupfu rwa 2Pac Amaru Shakur
