Umukinnyi w'icyamamare muri NBA, Steph Curry n'umugore we Ayesha, bari bitabiriye igitaramo cya Drake “It’s All A Blur” muri Barclays Centre i Brooklyn mu ijoro ryo ku wa Mbere.
Muri aya mashusho yakwirakwiye kuri interineti, Drake agaragara avugana n’uyu mukinnyi wa Golden State Warriors.
Drake yagaragarije urukundo Stephen Curry, gusa ntibyashimishije umugore we, Ayesha
Drake, atangaza ko Steph ari muri iki gitaramo yagize ati: “Ninjije umuvandimwe wanjye hano, bavuga ko dusa. Musakuze mwakire umuvandimwe wanjye Steph Curry hano, ndetse n'umwiza Ayesha Curry.”
Mu gihe ibihe byiza hagati y’uyu mukinnnyi ufite ibikombe bya NBA inshuro enye n’uyu muraperi wo muri Canada byarivibintu biryoheye amaso, abiitegereje neza aya mashusho, babonye Ayesha asa nkaho atishimiye iki gitaramo.
Mu gihe Drake na Curry basa nkaho bari bameze neza, Ayesha we yireberaga umugabo ubwo yavuganaga na Drake, ari na ko yari ahugiye ku kinyobwa cye atitaye kuri Drake, ibintu byatumye abafana batekereza byinshi ku myitwarire ye.
Ayesha ndetse bisa nkaho yemeye ibyo aba bafana bavuze ku rubuga rwe rwa Instagram, ashyiraho ifoto yo mu gitaramo yerekana Steph areba kamera, maze yandikaho ngo "Mu by'ukuri kandi, ubu yibwira ko byose ari ibintu bidasanzwe!." Ibi bigaragaza ko uyu mugore atashimishijwe n'ibyo Drake yakoze, ndetse no kuba yavuze ko asa n'umugabo we.
Ayesha Curry, ntabwo yishimiye amagambo ya Drake
Curry aherutse kugaragara ku kibuga cya golf vuba aha, aho arimo kwishimira ibiruhuko by’impeshyi. Ikindi kandi, yatwaye irushanwa rya ACC Celebrity tournament muri golf, yabereye mu kiyaga cya Tahoe umunsi umwe mbere y’iki gitaramo.
