Iperereza rirakomeje ku waba yarivuganye umuraperi rurangiranwa wo muri Amerika Tupac Amaru Shakur uzwi nka 2Pac and Makaveli. Magingo aya habonetse isasu mu rugo rwa nyirarume Duane Keith "Keefe D" Davis nawe uri mu bashinjwa urupfu rw'uyu muhanzi.
Ikinyamakuru Daily Mirror kiratangaza ko Polisi yo muri Las Vegas yatangaje ko yabonye amasasu menshi yo mu mbunda ya 40 caliber pistol yarashe 2Pac nk'uko iperereza ryabigaragaje.
2Pac na nyirarume Keith "Keefe D"
Magingo aya polisi ya Las Vegas iri gutangaza ko yajyanye iri sasu kugira ngo barihuze n'ibindi bimenyetso bya 2 Pac bafite. Hagati aho, iri sasu rikaba ryavuye mu rugo rw'umugore wa Keef D witwa Paula Clemons.
Uyu nyirarume akaba yarakunze kuvuga ko yagize uruhare mu rupfu rwa 2Pac wishwe arashwe ku wa 13 Nzeri 1996. Polisi ivuga ko nubwo hashize imyaka irenga 25 yishwe, ariko bazahuza isasu ndetse n'umubiri wa 2Pac ndetse n'imyenda yari yambaye.
Icyakora nanone abahanga bagaragaje ko kubera imyaka ishize, iri sasu ryaba ryaribasiwe n'udukoko kuburyo bizagorana guhuza ibimenyetso, bakaba bemeza ko nta kamaro kanini bizatanga ku iperereza.
