Umuhunzi Rajab Abdul Kahali wamenyekanye nka Harmonize, yaburiye abagabo kutemerera abagore babo kujya mu nzu zikorerwamo imyitozo ngororamubiri (gyms) batabaherekeje.
Ku munsi w’ejo ku wa Kabiri, uyu mukuru wa Konde Music Worldwide, yavuze ko abagore iyo batangiye kujya muri gym batajyanye n’abagabo babo, batangira kubabonamo abanebwe n’abantu badashoboye.
Harmonize ntiyemera iby'abagore abasiga abagabo babo bakijyana muri gym
Iyo bamaze kugera muri gym, batangira gusubira ku mahitamo yabo, bagatangira gufata abasore bahuriye muri gym, nkaho ari bantu bari ku rwego rwabo.
Abinyujije kuri Instagram, Konde Boy yagize ati:”Ntukemerere umukunzi wawe cyangwa umugore wawe kujya muri gym wenyine, kuko iyo bagezeyo batangira kubona muri abanebwe, ndetse ko abo yahuriyemo na bo ari bo bantu bazima kuko ari bo baba bahuje inzozi.”
Bitangira bahana nimero za terefone ngo mu gitondo umbyutse, maze ibibazo bigatangirira aho! Si bose, gusa ujye umenya neza ko ari wowe uyoboye umukunzi wawe.”
Konde Boy yakomeje avuga ko ubu butumwa yabutanze kubera ko umwe mu bakunzi be byigeze kumubaho.
Harmonize avuga ko muri gym abakoresha imyitozo abakobwa, banaboneraho akanya ko kubakorakora
Icyakora, ubu butumwa bwa Harmonize ntibyabujije benshi kujya mu rujijo kuko, baribaza nyirizina umukunzi wa Harmonize ibyo byaba byarabayeho, gusa benshi baremeza ko ari Fridha Kajala.
Ibi kandi biriguterwa n’uko uyu mugore ari umwe mu bakunda gukora gym, cyane ko akunze no gushyira amafoto n’amashusho ye kuri Instagram, arimo gukora imyitozo n’umutoza we.
