Tariki 03 Kamena 2023 kuri sitade ya Huye nibwo hateganyijwe imikino ibiri ya nyuma y'Igikombe cy'amahoro aho hazakinwa umukino w'umwanya wa gatatu ndetse hakanakinwa umukino ku bahatanira igikombe.
FERWAFA yamaze gutangaza ibiciro kuri iyi mikino. Ku bayagura mbere y'umukino, ahadatwikiriye ni 2,000 Frw, ahatwikiriye ni 5,000 Frw naho VIP hakaba 10,000 Frw.
Ni mu gihe kandi byatangajwe ko ku muntu uzagura itike ku munsi w'umukino azishyura 3,000 Frw ku hafatwikiriye, 7,000 ku hatwikiriye ndetse na 15,000 Frw muri VIP.
Ibiciro ku mikino ya nyuma y'Igikombe cy'amahoro
FERWAFA kandi yanasohoye itangazo imenyesha abakunzi ba ruhago ko 50% by'amafatanga azava ku kibuga muri iyi mikino, bizatangwa mu gufasha abagizweho ingaruka n'ibiza byibasiye uturere two mu Burengerezuba, Amajyaruguru n'Amajyepfo mu minsi ishize.
Kuri uyu munsi hazabanza umukino w'umwanya wa gatatu aho Kiyovu Sports izakina na Mukura Victory Sports, naho APR FC na Rayon Sports zizaba zirwanira Igikombe cy'amahoro.
Ubutumwa bwatanzwe na FERWAFA
