Cristiano Ronaldo utunze amafaranga atari make yongeye kuvugisha benshi ubwo yagaragaza isaha aherutse kugura ihagaze ibihumbi 750,000 by'amapawundi.
Uyu mugabo w'imyaka 38 y'amavuko yinjiza asaga miliyoni 3.8 z'amapawundi ku cyumweru mu ikipe ya Al Nassr, bimugira umukinnyi wa mbere ku isiuhembwa amafaranga menshi.
Cristiano n'isaha ye ihagaze ibihumbi 750,000 by'amapawundi(Image:@criatiano/instagram)
Iyi saha Cristiano Ronaldo aherutse kugura yayitanzeho amafaranga akubye hafi inshuro umunani ayo yatanze ku mudoka ya Range Rover Sport yaguze mu gihe gishize, aho iyo modoka nayo ihenze yamutwaye ibihumbi 100,000 by'amapawundi[Arenga miliyoni 100 Frw].
Uyu mugabo wakiniye ikipe ya Real Madrid na Manchester United yagaragaje iyi saha ihenze ku buryo budasanzwe ku ifoto yashyize kuri story ye ya Instagram ku munsi w'ejo ku wa Mbere.
Cristiano Ronaldo akurikirwa n'abantu miliyoni 584 kuri Instagram, bimugira umuntu wa mbere ukurikirwa n'abantu benshi kuri uru rubuga. Uyu munya-Portugal kandi yinjiza asaga miliyoni 3 z'amapawundi buri cyumweru binyuze mu byo apostinga, aho byinshi biba ari ukwamamaza.
Isaha ya Cristiano Ronaldo ikubye Range Rover Sport aherutse kugura inshuro zirenga zirindwi
