Ikipe y'igihugu y'u Rwanda muri Basketball mu bagore yaraye isezereye ikipe y'igihugu ya Uganda mu mukino wa kimwe cya kane cy'Igikombe cy'Afurika.
Ni umukino utari woroshye wabereye muri BK Arena kuri uyu wa Gatatu kuva ku isaha ya saa 18:00, u Rwanda rutsinda amanota 66-61 bituma aba bari n'abategarugori bakomeza muri kimwe cya kabiri.
Ikipe y'igihugu y'u Rwanda yamaze kumenya ikipe iza guhura nayo muri kimwe cya kabiri, kuko ku rundi ruhande Nigeria nayo yafashe Mozambique ikayitsinda amanota 59-52. Iyi Nigeria ikaba ariyo iza gukina n'u Rwanda kuri uyu wa Kane saa 18:00, aya makipe yombi akishakamo igera ku mukino wa nyuma.
Ni mu gihe kandi indi mikino ya kimwe cya kane yabaye, Senegal yatsinze Cameroon amanota 80-77, naho Mali igatsinda Guinea 96-40. Umukino wa kimwe cya kabiri uhuza Mali na Senegal nawo uraba kuri uyu wa Kane.
Nigeria niyo iza guhura n'u Rwanda
Ikipe y'igihugu y'u Rwanda ikomeje kwitwara neza
