Mu bihe binyuranye, abahanzi bo muri Nigeria bagiye bagirana ibibazo n'amadini anyuranye bitewe n'ibikorwa bakoraga bigatuma abo muri iryo dini bamwamaganira kure. Mu idini ya Islam ho babishyize ku yindi ntera bamwe bemeza ko bashumikwa mu mugozi bakicwa.
Davido mu mpera z'icyumweru niwe uheruka kwibasirwa n'Aba-Islam nyuma yo kwerekana Videwo Aba-Islam bari guhamiriza mu rusengero (mosque) ibyatumye abayoboke b'iri dini bamwotsa igitutu ngo asibe iyo Videwo yari yashyize kuri Twitter, maze nawe ahita ayikuraho bwangu.
2.Falz
Umuhanzi Falz nawe yigeze gusohora indirimbo ayita 'This Is Nigeria' aho mu mashusho y'indirimbo harimo abari bambaye imyenda y'Aba-Islam (Hijab) bari kubyina. Ibi bintu bikaba bitaranejeje abo muri iri dini maze umuryango w'Aba-Islam muri Nigeria wa The Muslim Rights Concern (MURIC) usaba ko iyo ndirimbo yahagarikwa.
3.Portable
Muri Mutarama 2022, umuhanzi Portable nawe yasohoye indirimbo ayita 'Kuku Do Ritual' aho yashishikarizaga abantu gushaka amafaranga mu buryo bwose bushoka. Gusa rero umuryango MURIC nanone wahise wamagana iyi ndirimbo bavuga ko igamije gukangurira urubyiruko gushaka amafaranga mu buryo budakwiye.
4.BNXN
Uyu muhanzi nawe muri uyu mwaka, yasohoye indirimbo ayita 'Gwagwalada' aho yayifatanyije n'abarimo Kizz Daniel na Seyi Vibez. Gusa rero muri iyi ndirimbo, BNXN mu mashusho yayo yakoreshejemo abantu bambaye imyenda y'Abamansera bari gutumagura amatabi. Ibi byamushwanishije bikomeye n'abakristu Gatolika.
5. Yahaya Sharif-Aminu
Muri 2020 uyu muhanzi yakatiwe urwo gupfa bitewe no kuvuga amagambo adakwiye ku ntumwa y'Imana Mohammad mu ndirimbo ye. Uyu musore w'imyaka 22, urukiko rwo muri Leta ya Kano rwanzuye ko agomba guhanwa na 'Sharia law' akamanikwa mu mugozi. Muri 2021 nabwo urukiko rukuru rwanzuye ko icyemezo cyafashwe ari ntakuka.
