Hari hashize iminsi hari amakuru y'uko Didier Deschamps ashobora kuva mu ikipe y'igihugu y'u Bufaransa nyuma yo kuva mu gikombe cy'isi cya 2022 cyabereye muri Qatar, aho yatsinzwe na Argentine ku mukino wa nyuma.
Ishyirahamwe ry'umupira w'amaguru mu Bufaransa ryafashe ikemezo cyo kongerera amasezerano uyu mugabo, ahabwa amasezerano azageza mu 2026 aho azatoza Igikombe cy'isi kizabera muri Canada, Mexico na Leta zunze ubumwe za America.
Deschamps yongereye amasezerano mu ikipe y'igihugu y'u Bufaransa nyuma y'aho byavugwaga ko Zinedine Zidane ategereje ko bava mu gikombe cy'isi akayihabwa, dore ko yanze gutoza amakipe atandukanye arimo Manchester United na Chelsea ategereje kureba ko yatoza ikipe y'igihugu.
Mu myaka 11 Didier Deschamps amaze atoza ikipe y'igihugu y'u Bufaransa, yatwayemo igikombe cy'isi cya 2018 na UEFA Nations League. Iyi kipe kandi yatsindiwe ku mukino wa nyuma wa Euros 2016 n'Igikombe cy'isi cya 2022 aho hose yatsinzwe nyuma y'iminota 30 y'inyongera.
Didier Deschamps yongereye amasezerano
