Ikipe ya Groningen FC yamaze gutangaza Noam Emeran nk'umukinnyi wayo mushya kugeza mu 2027.
Uyu musore w'imyaka 20 akaba afite ubwenegihugu bw'u Bufaransa yinjiye mu ikipe ya Manchester United mu 2019 aguzwe miliyoni ebyiri z'amayelo ubwo yari avuye mu ikipe ya Amiens yo mu Bufaransa, akaba avuye muri Manchester United yari amazemo imyaka ine.
Emeran yari amaze imyaka ine muri Manchester United
Ku gicamunsi cyo kuri uyu wa Kane nibwo ikipe ya FC Groningen ikina ikiciro cya kabiri mu Buolhorandi yatangaje ko yamaze gusinyisha uyu musore, aho bivugwa ko yatanzweho miliyoni zisaga 700 Frw(£700,000).
N'ubwo Noam Emeran afite ubwenegihugu bw'u Bufaransa ariko hari abanyarwanda benshi bajya barota kumubona akinira amavubi, dore ko akomoka kuri se Fritz Nkusi wakiniye ikipe y'igihugu y'u Rwanda.
Nkusi wari umufaransa yaje kubona ubwenegihugu bw'u Rwanda nyuma yo gushaka umunyarwandakazi, ndetse akinira Amavubi imikino itandatu hagati ya 2006 na 2007.
Kuba Emeran avuka kuri Fritz Nkusi Emeran ufite ubwenegihugu bw'u Rwanda ndetse na mama we akaba umunyarwandakazi, nawe uburenganzira ku bwenegihugu bw'u Rwanda.
Emeran yerekanwe muri FC Groningen
