Umuraperi wo mu Bwongereza, Fredo, biravugwa ko yafatiwe i Dubai ashinjwa kunywa urumogi. Uyu muhanzi w'icyamamare Marvin Bailey wamenyekanye nka Fredo, afungiye muri gereza ya Dubai, nyuma yo gufatanwa urumogi ubwo yari mu biruhuko muri Leta Zunze Ubumwe za Abarabu.
Fredo afungiye i Dubai kuva muri Nzeri
Bivugwa ko Fredo arafunzwe kuva muri Nzeri kandi yamaze kwitaba urukiko kubera icyo cyaha akekwaho.
Dubai ifite amategeko akomeye yo kurwanya ibiyobyabwenge, kandi ntiyemera gahunda iyo ari yo yose yagira aho ihurira n'urumogi kabone no mu buvuzi, bituma urumogi rutemerwa hatitawe no kuba rwakoreshejwe mu buvuzi.
Nkuko umunyamategeko Hassan Al Riyami abitangaza, ngo umuntu wafatanywe urumogi mu gihugu, ashobora guhanishwa igifungo cy’imyaka ine cyangwa irenga, ndetse n’ihazabu y’amadolari ibihumbi 10, ni ukuvuga asaga miliyoni 10 z’amanyarwanda.
Ikinyamakuru The Sun, kivuga ko Fredo w'imyaka 29, bivugwa ko yafashwe mu kwezi gushize yahishe urumogi.
Fredo afungiye i Dubai ashinjwa gukoresha urumogi
Ntibiramenyekana neza ibirego nyabyo Fredo aregwa, icyakora uhagarariye aho afungiye i Dubai, Radha Stirling yabwiye iki kigo ko ashobora guhanishwa gusubizwa iwabo, ihazabu ndetse no guhanishwa gutagaruka burundu muri Leta Zunze Ubumwe za Abarabu.
