Umukino uheruka guhuza Arsenal na Manchester United wabereye Old Trafford muri Nzeri 2022, aho umukino warangiye ku ntsinzi ya Manchester United ku bitego 2-1 harimo bibiri bya Marcus Rashford.
Imikino 12 yakurikiye uwo mukino, Arsenal yatsinzemo imikino 10 inganya imikino ibiri mu gihe nta mukino n'umwe yatsinzwemo, ari nabyo bituma iyoboye urutonde rw'agateganyo rwa shampiyona y'u Bwongereza.
Gusa ikipe ya Manchester United nayo yakomeje kongera imbaraga dore ko yatsinze imikino ikenda iheruka gukina mu marushanwa yose, mbere yo guhura na Arsenal nayo ihagaze neza.
Myugariro wa Arsenal William Saliba yizeye ko kuri iyi nshuro we na bagenzi be bazatsinda Manchester United iherutse kwisengerera Manchester City mu mukino wasize impaka nyinshi.
Saliba yizeye ko Arsenal izatsinda Manchester United(Image:Getty)
Saliba ati:"Turabizi ko dufite umukino ukomeye mu cyumweru gitaha. Turabizi ko badutsinze, niyo kipe yonyine yadutsinze muri uyu mwaka muri Premier League ariko dushaka kubatsinda mu rugo.
"Tuzitegura uyu mukino neza cyane kandi ndizera ko guzatsindira imbere y'abafana bacu."
Uyu mukino uteganyijwe ku Cyumweru saa 18:30 i Emirates ku kibuga cya Arsenal, ni umwe mu mikino yitezwe cyane muri Premier League bitewe n'ukuntu aya makipe yombi amaze iminsi yitwara twagarutseho haruguru.
Intsinzi y'ibitego 2-0 Arsenal yakuye kuri Tottenham yatumye Arsenal ihita ikomeza kuyobora urutonde irusha Manchester City amanota umunani, ikana inarusha Manchester United amanota ikenda iri ku mwanya wa kabiri.
Manchester United ifite amahirwe y'uko ishobora kujya guhura na Arsenal irushwa amanota atatu kuko ifite umukino w'ikirarane izakina na Crystal Palace kuri uyu wa Gatatu, ku bw'ibyo ikaba ishobora no kuyitsinda igasigara irushwa amanota atatu gusa cyangwa yatsindwa akongera akaba ikenda.
Rashford agiye kongera guhura naArsenal ameze neza(Image:PA)
Arsenal ikomeje kuyobora urutonde rwa shampiyona(Image:Getty)
