Umugeni ukomoka muri Mexico witwa Nancy N yatawe muri yombi na polisi ku munsi w'ubukwe bwe akekwaho kwambura abantu.
Nancy N yatawe muri yombi ubwo yavaga mu modoka yerekeza mu rusengero mu gihe uwendaga kuba umugabo we Clement N we yashoboye gutoroka.
Nkuko ibitangazamakuru byo muri iki gihugu bibitangaza, ngo aba bageni bombi n'abandi batandatu baregwa kwambura abacuruzi b'inkoko mu murwa mukuru wa Mexico.
Amakuru avugwaho ko abakekwaho icyaha bashimuse abacuruzi bo muri ayo maduka bakabafungira mu bubiko, hanyuma bakiba inkoko. Ubushinjacyaha bwasobanuye neza ko iperereza rigikomeje.
