Kuri uyu wa Gatatu hari hakomeje imikino ya kimwe cya munani cya UEFA Champions League ku munsi wayo wa kabiri, amakipe akaba akiri gukina imikino ibanza.
Ikipe ya Chelsea yari yakoze urugendo ruyerekeza mu Budage ku kibuga Signal Iduna Park cya Borussia Dortmund, mu mukino watangiye ku isaha ya saa 22:00 ugendeye ku masaha y'i Kigali mu Rwanda.
Chelsea itameze neza iwabo mu rugo ntiyaje guhirwa mu Budage kuko umukino warangiye itsinzwe igitego kimwe ku busa, kikaba cyatsinzwe na Karim Adeyemi ku munota wa 63 ku mupira yahawe na Raphael Guerreiro.
Ibi bivuze ko kugiea ngo Chelsea igere muri ¼ irasabwa kuzatsinda Dortmund mu mukino uzaba tariki 07 Werurwe, ukazabera i Stamford Bridge kuckibuga cya Chelsea.
Undi mukuni wabaye kuri uyu munsi warangiye Club Brugge itsindwa na Benfica ibitego 2-1, nazo umukino wo kwishyura uzakinirwa kuri tariki 07 Werurwe 2023.
Andi makipe nka Real Madrid, Liverpool, Napoli, Eintrancht Frankfurt, Manchester City, Leipzig, Inter Milan na FC Porto, azakina imikino yayo mu cyumweru gitaha ku wa Kabiri no ku wa Gatatu.
Chelsea ikomeje kugorwa no kubona intsinzi
