Mike Tresor ufite inkomoko mu Rwanda no mu Burundi yahamagawe mu ikipe y'igihugu y'u Bubiligi igiye gukina imikino yo gushaka itike ya Euro2024
Ndayishimiye Mike Tresor yavutse tariki 28 Gicurasi 1999, bivuze ko ubu afite imyaka 24 y'amavuko, akaba akinira ikipe ya Genk. Uyu musore afite umubyeyi umwe ukomoka mu Rwanda ariwe mama we, mu gihe se umubyara ari umurundi.
Nyuma yo kugira umwaka mwiza w'imikino mu ikipe ya Genk muri shampiyona y'u Bubiligi, uyu musore yaje kwisanga ku rutonde rw'abakinnyi 25 bahamagawe mu ikipe y'igihugu y'u Bubiligi.
Abakinnyi bahamagawe mu ikipe y'igihugu y'u Bubiligi
Mike Tresor aherutse guhabwa igihembo cya Soulier d’ébène gihabwa umukinnyi w'umunyafurika/ukomoka muri Afurika witwaye neza kurusha abandi muri shampiyona y'ikiciro cya mbere mu Bubiligi.
Uyu musore yatsinze ibitego umunani ndetse anatanga imipira 23 yavuyemo ibitego muri shampiyona y'uyu mwaka. Tresor yakiniye ikipe y'igihugu y'u Bubiligi y'abatarengeje imyaka 16 na 21 ariko yari atarahamagarwa mu ikipe nkuru.
Tresor afite igihembo aherutse guhabwa
Abanyarwanda n'abarundi batekerezaga kumuhamagara