Kuri iki Cyumweru, tariki 26 Gashyantare hari gukinwa Agace ka Munani ari nako ka nyuma, aho abasiganwa bahagurukirye kuri Canal Olympia akaba ari na ho baza gusoreza nyuma yo kuzenguruka ibice bitandukanye by’Umujyi wa Kigali ku ntera y’ibilometero 75,3.
Nyuma yo guhaguruka ku isaha ya saa 10:30, biteganyijwe ko hagati ya saa 12:35 na 12:42 aribwo iyi etape ya nyuma irasozwa hakanamenyekana uwegukana Tour du Rwanda 2023.
Agace ka karindwi kakinwe kuri uyu wa Gatandatu kegukanwe na Manuele Terozzi ukinira Green Project-Bardiani CSF-Faizàne, ariko umwenda w'umuhondo wambawe n'umunya-Eritrea Henok Malueberhane.
Umunyarwanda uza hafi ku rutonde rusange aracyari Muhoza Eric ukinira Bike Aid urushwa amasegonda umunani n'uwa mbere.
Henok aracyambaye umwenda w'umuhondo
