Ikipe ya Chalesea ntabwo iri mu makipe azakina UEFA Champions League 2023/2024 nyuma y'uko yasoje Premier League ishize ku mwanya 11, bituma itabona itike yo kwitabira iri rushanwa imaze gutwara inshuro ebyiri.
Ku munsi w'ejo ku wa Kabiri ubwo hatangiraga imikino y'amatsinda y'iri rushanwa, myugariro wa Chelsea yagiye ku rukuta rwe rwa twitter(X) ashyiraho(ataginga) konti ya Champions League maze ashyiraho emoji igaragaza agahinda, mu kwerekana ko ababajwe no kuba ikipe ye itari muri iri rushanwa uyu mwaka.
Abafana b'ikipe ya Chelsea ntabwo bakiriye neza ubu butumwa bwa Thiago Silva, ndetse bahise batangira kumusaba ko yabusiba yihuse akaba yashyira umutima ku gufasha iyi kipe iri kurwana n'intangiro mbi za shampiyona.
Ibihe bitari byiza birakomeje muri Chelsea n'ubwo iri mu makipe yari yagerageje kwiyibaka mu mpeshyi ishize. Iyi kipe yasinyishije abakinnyi 12, n'ubwo nayo yasohoye abakinnyi 23 harimo abagurishijwe, abatijwe n'abarekuwe.
Thiago Silva yakinnye imikino 106 muri UEFA Champions League mu makipe atandukanye yanyizemo arimo AC Milan na PSG, ariko yabashije kwegukana iki gikombe mu 2021 muri Chelsea akirimo kugeza ubu.
Abafana ba Chelsea ntibanyuzwe n'ubutumwa bwa Thiago Silva(Image:Getty)
@ChampionsLeague ????
— Thiago Silva (@tsilva3) September 19, 2023
