Kuri uyu wa Gatatu harakinwa etape ya kane ya Tour du Rwanda 2023 aho abasiganwa baraba bava mu Majyaruguru bagana mu Burengerazuba.
Kuri uyu munsi barahagurukira i Musanze ahasorejwe agace ka kane ku munsi w'ejo, berekeze mu karere ka Karongi. Ni etape iraza kuba ifite intera y'ibilometero 138.3, bakaba bahaguruka ku isaha ya saa 8:30 bikaba biteganyijwe ko isozwa hagati ya saa 11:57 na 12:13.
Mu bakinnyi bitezwe gutwara agace k'uyu munsi harimo umunya-Eritrea Henok Malueberhane watwaye etape Huye-Musanze ku wa Kabiri, n'abandi bakinnyi nka Lecerf William Junior, Walter Calzoni ndetse na Bonnet Thomas.
Kuri etape ya gatatu Henok Malueberhane yabaye uwa mbere ahita anambura umwenda w'umuhondo Ethan Vernon watwaye etape ebyiri za mbere, ariko uyu munsi byitezwe ko ufite umwenda w'umuhondo adahinduka bitewe n'ukundu baraza gusoza bamanuka.
Urutonde rusange ruyobowe na Henok Malueberhane wa Green Project umaze gukoresha amasaha 11:20:59 akaba anganya ibihe na Lucerf William wa Soudal Quick-Step umukurikiye. Umunyarwanda uza hafi kuri uru rutonde ni Muhoza Eric ukinira Bike Aid uri ku mwanya wa kenda, aho arushwa na Henok amasegonda 11.
Malueberhane watwaye agace ka gatatu ari mu bitezwe uyu munsi
Uko urutonde rusange ruhagaze nyuma y'agace ka gatatu
