Ikirego cya kabiri cyerekeye ukunyereza imisoro cyari gokurikiranywe ku muhanzi wo muri Colombia, Shakira, byahagaritswe n'umucamanza nyuma yuko abashinjacyaha bo muri Espagne basabye ko cyahagarikwa kuko nta bimenyetso bihagije byagaragajwe.
Ikindi kirego cy'imisoro cyaregwaga Shakira cyatshejwe agaciro
Uyu muhanzikazi wo muri Colombia yari arimo gukorwaho iperereza kubera kunanirwa kwishyura imisoro ingana na miliyoni 6.7 z'amayero mu 2018, aho abashinjacyaha basobanuye ko Shakira yakoresheje urubuga rw’ikigo cyo hanze ya Espagne kugira ngo yirinde kwishyura imisoro.
Byongeye kandi, Umucamanza yafashe icyemezo cyo gutesha agaciro uru rubanza kubera ko nta bimenyetso bifatika byashinja uyu muhanzi, nyamara nk'uko bitangazwa n'ibitangazamakuru byo muri iki gihugu, ngo ibimenyetso bishya bibonetse, urubanza rwasubukurwa.
Shakira n'ubundi yari aherutse kwikiranura n'ibindi birego by'imisoro yaregwaga
Twabibutsa ko ku ya 20 Ugushyingo 2023, Shakira imbere y’umucamanza José Manuel del Amo, yemeye ibyaha bitandatu yakoze byo kunyereza imisoro mu mwaka wa 2012-2014 kandi yemera gutanga ihazabu ingana na miliyoni 7.5 zama-euro, ariko na n’ubu uyu muhanzi aracyahanganye n'urundi rubanza muri Espagne, rujyanye no kunyereza imisoro muri 2011.
