Abakunzi b'ikipe ya Rayon Sports bazibuka ko umurundi Haringingo Francis yabahesheje itike y'imikino nyafurika nyuma y'imyaka ine ikipe yabo idasohoka, ariko uyu mugabo siwe uzaba ari umutoza w'iyi kipe muri iyo mikino.
Ubwo umwaka w'imikino ushize wari urangiye Rayon Sports imaze gutwara Igikombe cy'amahoro itsinze APR FC, byagiye ahagaragara ko Haringingo Francis atazakimezanya nayo ndetse anatangaza ko ashaka gutoza hanze y'u Rwanda.
Kuri uyu munsi ku isaha ya saa 16:00, Rayon Sports yifashishije imbuga zayo nkoranyambaga, itangaza umutoza mushya uzayitoza mu mwaka w'imikino 2023/2024 harimo imikino ya CAF Confederation Cup.
Rayon Sports yatangaje ko umunya-Tunisia witwa Yamen Alfati watozaga Al-Taraba yo muri Iraq ariwe ugiye kuyibera umutoza mu gihe cy'umwaka umwe, akaba ariwe uje gusimbura Haringingo Francis.
Uyu mugabo kandi yanatoje andi makipe arimo n'akomeye nka Al-Merreikh, JS Kabylie n'ayandi.
RayonnSports yatangaje Yamen Alfati nk'umutoza wayo mushya
