Nyuma yo gutangaza Aruna Mussa Madjaliwa wakiniraga ikipe ya Bumamuru FC mu Burundi, Rayon Sports ntiyahaye agahenge abakunzi bayo kuko yongereye ibyishimo mu bindi.
Iyi kipe ikunze gutazirwa Murera yamaze gutangaza ko yasinyishije rutahizamu w'aumugande witwa Charles Baale wakiniraga ikipe ya Villa Sports Club iwabo muri Uganda.
Uyu musore yari mu bakinnyi batsinze ibitego byinshi muri shampiyona y'umwaka ushize, kuko yatsinze ibitego 11 akaba uwa kabiri nyuma ya Kayiwa ukinira ikipe ya Express FC watsinze ibitego 12.
Charles Baale w'imyaka 25 aje ari umukinnyi wa karindwi ikipe ya Rayon Sports isinyishije muri iyi mpeshyi, mu rwego rwo gukomeza kwitegura umwaka utaha w'imikino urimo imikino ya CAF Confederation Cup.
Charles Baale yerekanwe muri Rayon Sports
