Mu 2014 nibwo ikipe ya Rayon Sports yatangiye gukorana na kompanyi ya Skol ikora ibinyobwa birimo ibisembuye n'ibidasembuye.
Rayon Sports isanzwe ihabwa amafaranga arenga miliyoni 200 z'amanyarwanda ku mwaka, ubundi nayo ikamamaza Skol haba ku kibuga yakiririyeho imikino no ku myenda yambara.
Kuri ubu iyi kompanyi ya Skol yemereye Rayon Sports y'abagore n'iy'abagabo agahimbazamusyi aya makipe azahabwa bitewe n'uko yitwaye mu mwaka w'imikino 2022-2023.
Rayon Sports y'abagore izahabwa miliyoni 10 z'amanyarwanda n'itwara ibikombe byose aribyo igikombe cya shampiyona y'ikiciro cya kabiri ndetse n'igikombe cy'amahoro.
Iyi kipe izahabwa miliyoni eshatu nigera ku mukino wa nyuma w'igikomge cy'amahoro, n'igitwara ihabwe miliyoni eshanu. Ni mu gihe izahabwa miliyoni eshanu nitwara shampiyona y'ikiciro cya kabiri.
Naho kuri Rayon Sports y'abagabo yo izahabwa miliyoni 32 mu gihe yaba itwaye ibikombe byose. Kugera ku mukino wa nyuma w'igikombe cy'amahoro izahabwa miliyoni eshanu, n'igitwara zibe 12. Ni mu gihe kandi izahabwa miliyoni 20 nitwara igikombe cya shampiyona.
Ukurikije uko aya makipe ya Rayon Sports ahagaze muri uyu mwaka w'imikino birashoboka ko aya mafaranga yayabona, by'umwihariko ku ikipe y'abagore dore ko irangwa no gutsinda ibitego byinshi.
Rayon Sports yashyiriweho agahimbazamusyi ku bikombe izatwara
