Rayon Sports yanganyije na Mukura mu mukino wa shampiyona

Rayon Sports yanganyije na Mukura mu mukino wa shampiyona

 Nov 20, 2022 - 18:42

Rayon Sports yongeye gutakaza amanota abiri imbere ya Mukura Victory Sports nyuma yo gutsindwa na Kiyovu Sports.

Ni umukino w'umunsi wa cumi wa shampiyona aho ikipe ya Rayon Sports yari yakiriye Mukura Victory Sports kuri sitade ya Kigali i Nyamirambo kuri iki Cyumweru.

Rayon Sports yaje muri uyu mukino nyuma yo gutsindwa na Kiyovu Sports mu mukino w'umunsi wa kenda wa shampiyona, mu gihe Mukura yo yari iherutse gutsinda Rutsiro FC mu mukino wabereye i Huye.

Abakinnyi ba Rayon Sports babanje mu kibuga

Abakinnyi ba Mukura babanje mu kibuga

Ikipe ya Rayon Sports niyo yafunguye amazamu muri uyu mukino ku gitego cyatsinzwe na Mussa Camara ku munota wa 20, ndetse igice cya mbere kirangira Rayon Sports iyoboye uyu mukino.

Mu gice cya kabiri Mukura Victory Sports yaje iri ku rwego rwo hejuru ndetse bihura n'umuzamu wa Rayon Sports Adolphe wasaga n'utari mu mukino neza.

Mukogotya Robert yatsinze igitego cya mbere ku munota wa 48 ndetse ashyiramo icya kabiri ku munota wa 61, ibitego byose yatsinze ku mipira yatereraga kure.

Ubwo umukino waganaga mu minota wa nyuma nibwo Rayon Sports yabonye penariti nyuma y'uko myugariro wa Mukura yari akoze umupira, maze Onana ayitera neza umukino urangira amakipe yombi anganya 1-1.

Rayon Sports yatsinze Mukura Victory Sports

Iri nota ryatumye Rayon Sports iguma ku mwanya wa kabiri n'amanota 19 mu mikino umunani imaze gukina, ikaba irushwa inota rimwe na Kiyovu Sports iri ku mwanya wa mbere. Mu gihe Mukura nayo iri ku mwanya wa icumi n'amanota 13 mu mikino icumi imaze gukina.

Undi mukino wabaye kuri uyu munsi, Espoir FC yatsinzwe na Police FC igitego kimwe ku busa cyatsinzwe na Moussa Omar, byatumye Police FC ihita igira amanota 17 ifata umwanya wa kane.

Police FC yongeye kubona intsinzi