Igikomangoma cy'u Bwongereza Harry n'umugore we w'umunyamerika Meghan Markle baciwe i Bwami, barasaba ko abana babo bahabwa uburenganzira i Bwami kuko ngo ni mu rugo. Kuri Harry avuga ko abana be bagakwiye kwishimira kuba i Bwami, ariko ngo ntibyakunda kubera baba badatekanye.
Ibi bikaba byaravugiwe mu rukiko kuri uyu wa Kane, aho Harry asaba ko abana be bahabwa uburenganzira mu Bwami bw'Ubwongereza nubwo bo bahaciwe. Shaheed Fatima umwunganizi mu matego wa Harry, akaba yarabwiye urukiko ko umukiriya we yifuza ko abana be bahabwa umutekano mu Bwongereza igihe bagiyeyo.
Prince Harry arasaba ko abana be bahabwa uburenganzira i Bwami nk'abandi bana
Twabibutsa ko mu 2018 ari bwo Prince Harry na Meghan Markle bakoze ubukwe, ari ko muri Werurwe 2020, bahisemo kujya gutura muri Amerika nyuma y'ubwumvikane buke bwakomeje kurangwa hagati yabo n'Ubwami bw'u Bwongereza.
Muri uwo mwaka kandi, nibwo i Bwami batangaje ko Prince Harry n'umuryango we bakuriweho ubudahangarwa bw'i Bwami n'ibindi byubahiro, ariko bikiyongeraho ko nta barinzi bazongeye guhabwa.
Ibi ni byo byatumye Harry yandika inyandiko ndende avuga ko atewe impungenge nuko adashobora kongera kwereza mu Bwongereza uko bisanzwe, ndetse ko n'umugore we byagorana, ariko by'umwihariko abana babo babiri Archie Lilibet, kubera umutekano wabo utaba wizewe.
Prince Harry waciwe i Bwami, arasaba ko abana be bazaza baherekeza mu mudendezo
Prince Harry akaba avuga ko mu Bwongereza ari mu rugo, kandi ko abana be bakishimira kuhaba gusa ngo ntibyashoboka kubera ko baba badatekanye. Ibi bikaba biri mu byagarutsweho mu rukiko, nubwo umwanzuro utigeze ufatwa, ahubwo ukaba uzafatwa ku itariki itaramenyekana.
Icyakora mu gihe i Bwami batangazaga ko bakuyeho abarinzi ba Prince Harry, bavuze ko mu gihe ari mu Bwongereza, ko bibaye ngombwa babamuha, ariko nabwo mu gihe babona hari akaga gashobora kumubaho.
