Uyu mugabo wahoze ari rutahizamu w'ikipe y'igihugu ya Brazil yitabye Imana kuri uyu wa Kane aguye mu bitaro bya Albert Einstein biherereye i Sao Paulo muri Brazil nyuma y'igihe arembejwe na Kanseri.
Pele watsinze ibitego 77 mu mikino 92 yakiniye Brazil, yabaye ikimenyabose mu gikombe cy'isi cyo mu 1958 ubwo yafashaga Brazil kucyegukana afite imyaka 17 y'amavuko yonyine, aho yatsinze ibitego bibiri mu mukino wa nyuma batsinzemo Sweden.
Uyu mugabo wavukiye mu muryango ukennye muri Sao Paulo, yakomerejeho afasha Brazil kwegukana Igikombe cy'isi mu 1962 no mu 1970, maze ahita aba umukinnyi wenyine wabashije kwegukana ibikombe by'isi bitatu.
Bivugwa ko Pele yatsinze ibitego 1,281 mu mikino 1,363 yakinnye mu ikipe y'igihugu n'andi makipe yakiniye, akaba yararetse gukina umupira w'amaguru nk'uwabigize umwuga mu 1977 ubwo yari mu ikipe ya New York Cosmos.
Mu 2013 Pele yahawe igihembo cya FIFA Ballon d'Or Prix d'Honneur mu rwego rwo guha agaciro ibyo yakoze mu mupira w'amaguru, ndetse yashyizwe muri Ballon d'Or Dream Team, ikipe yabumbiye hamwe abakinnyi 11 b'intoranwa b'ibihe byose.
Pele niwe mukinnyi wenyine watwaye ibikombe bitatu by'isi
