Kuva Neymar yagera muri PSG mu 2017 avuye muri FC Barcelona, yakunze kunengwa ko atigeze atanga umusaruro yari yitezweho nk'umwe mu bari kuyobora isi ya ruhago nyuma ya Messi na Cristiano.
Kuva uyu musore yatangira kuvugwaho gutandukana na PSG, Chelsea niyo kipe ya mbere yavuzweho kumwifuza n'ubwo yaguze abakinnyi basaga umunani mu kwa mbere gusa.
Ibinyamakuru bitandukanye byo mu Bufaransa birimo L'Equipe byemeza ko umuherwe wa Chelsea ariwe Toddy Boehly yahuye na Nasser Al-Khelaifi ndetse bakemeranya ko kuri miliyoni 60 z'amapawundi uyu musore ashobora kwerekeza i Stamford Bridge.
Aya ni hafi kimwencya gatatu cy'ayo yaguzwe n'iyi kipe y'i Paris kuko yamutanzeho miliyoni zigera kuri 232 z'amayelo ubwo yavaga muri i Barcelona mu 2017.
Ikibazo Chelsea ifite nuko uyu musore w'imyaka 31 uhembwa miliyoni 35 z'amayelo ku mwaka, bigoye ko iyi kipe yo mu Bwongereza yayatanga kuko byayiganisha mu kugongwa n'amategeko agenga imikoreshereze y'umutungo.
Neymar ashobora gusohoka muri PSG
