Magingo aya Twitter irimo gutekereza kurega mu rukiko kompanyi ya Meta kubera 'app' yayo nshya irimo kuyobokwa mu buryo bwihuse yitwa 'Threads' yo guhangana na Twitter. Threads, ikaba yatangijwe ku wa Gatatu muri Amerika ihita yitabirwa n'abantu babarirwa muri za miliyoni.
Iyi app ikaba isa na Twitter kandi abayobozi bo muri Meta bayamamaza nk'igamije ko habaho "kubana neza" mu bayikoresha bakayisimbuza Twitter.
Umukuru wa Twitter Elon Musk yavuze ko "ihangana mu bucuruzi ari ryiza, ariko gukopera akaba atari byiza". Ariko Meta yahakanye ibivugwa mu ibaruwa y'ikirego ko abahoze ari abakozi ba Twitter bayifashije gukora Threads.
App ya Threads ihanganye na Twitter
Meta ivuga ko abantu barenga miliyoni 30 bamaze kuyoboka iyi 'app' nshya. BBC iratangaza ko iyi app ya Threads uko igaragara n'uko umuntu yiyumva iyo arimo kuyikoresha bisa nk'uko bimeze kuri Twitter. Yavuze ko uko amakuru agaragaraho (news feed) no gusangiza ibitangajwe (reposting) bisa nko kuri Twitter.
Umunyamategeko wa Twitter Alex Spiro ku wa Gatatu yoherereje ibaruwa umukuru wa Meta Mark Zuckerberg ashinja Meta "kwiyitirira kwateguwe neza, gukozwe ku bushake, kandi kunyuranyije n'amategeko kw'amabanga y'ubucuruzi ya Twitter n'undi mutungo mu by'ubwenge" igakora Threads.
Elon Musk na Zuckerberg barategura umurwano wa babiri
By'umwihariko, Spiro ashinja Meta guha akazi abahoze ari abakozi ba Twitter babarirwa muri za mirongo "bageraga kandi bakomeje kugera ku mabanga y'ubucuruzi ya Twitter no ku yandi makuru y'ibanga rikomeye" byarangiye afashije Meta gukora icyo yise 'app' "yakopewe [kopi]", Threads.
Kuri Threads, umuvugizi wa Meta Andy Stone yatangaje ko "nta muntu n'umwe mu itsinda ryakoze Threads wahoze ari umukozi wa Twitter.Musk na Zuckerberg bombi bemeye ko bahanganye kubera Threads, iyi ikaba ishamikiye kuri Instagram ariko igakora nka 'app' ukwayo.
Hagati aho, uku guhangana kw'aba bagabo, byanatumye bategura umukino jyarugamba ngo bazahure basekurane nk'abagabo uwa babiri ibyamatiku bishirire aho.
https://www.thechoicelive.com/elon-musk-witegura-kurwana-na-mark-zuckerberg-imyitozo-ayimereye-nabi
View this post on Instagram
