Mason Greenwood ashobora kugarurwa mu ikipe ya mbere ya Manchester United nyuma y'ibiganiro abayobozi b'iyi kipe bagiranye na kompanyi ya Adidas iyikorera imyambaro.
Mu byumweru biri imbere nibwo biteganyijwe ko ikipe ya Manchester United izafata umwanzuro ku hazaza ha Greenwood, nyuma y'uko ibirego yashinjwaga birimo gukubita no gufata ku ngufu uwari unukunzi we bikuweho.
Abayobozi ba Manchester United bakomeje kwiga ku igaruka rya Greenwood, uyu musore akaba afite ikizere cyo kugaruka mu kibuga, dore ko kuva ibyo yaregwaga byakurwaho amaze kuganira n'umutoza Erik Ten Hag inshuro nyinshi.
Greenwood ashobora kugarurwa mu ikipe (Image:Getty)
Mu gihe shampiyona ya Premier League izatangira tariki 12 Kanama 2023, biravugwa koabakinnyi ba Manchester benshi bitegiye kumwakira akaza bagafatanya mu mwaka w'imikino.
Amakuru ava i Manchester nk'uko tubikesha ikinyamakuru Manchester Evening, aremeza ko ibiganiro byahuje Adidas na Manchester United, iyi kompanyi yemeje ko igaruka rya Mason Greenwood ntacyo ryaba ritwaye.
Mu 2015 Manchester United yasinyanye amasezerano na Adidas afite agaciro ka miliyoni 750 z'amapawundi, ikaba ariyo ibakorera imyenda bakoresha mu mwaka w'imikino kuva muri uwo mwaka.
Harriet Robson Greenwood yashinjwaga gukubita bariyunze baranibaruka (Net-photo)
