Madonna yasobanuye neza icyo abayobozi ba label ndetse n’abashinzwe uruganda rwa muzika bashobora gukora n'icyo badashobora gukora nyuma y'urupfu rwe.
Kimwe mu bintu arwanya yivuye inyuma ni ugukoresha hologram cyangwa ikindi kintu cyose gihenze gishobora kwangiza umurage we.
Madonna yihanije abazashaka kwigabiza ibihangano bye amaze gupfa
Nkuko ikinyamakuru The Sun kibitangaza, ngo Madonna yiyemeje kubuza umutungo we gusesagurwa n'amakimbirane yo mu muryango. Kubera iyo mpamvu, yahisemo kugabanya uburenganzira ku muziki we mu bana be batandatu ku buryo bungana.
Amakuru yatangarije The Sun ati: "Usibye Abba Voyage, gukoresha hologram mu gukora ibitaramo by’abahanzi bitabye Imana kugira ngo bongere bashyire igorora abakunzi babo, ntibivugwaho rumwe.”
Ibitaramo bya nyakwigendera Whitney Houston by’ubu bwoko byateguwe ntibyigeze bivugwaho rumwe, none Madonna yanze ko bayobozi bafite umururumba w’amafaranga bazamukorera ibintu nk'ibyo.”
Ati: "Yabayeho ubuzima bwe bwose yanga amafuti kandi akoyita ku muco, kandi ntibishoboka ko yareka imirimo ye yose ihinduka umwanada."
Byongeye kandi, arateganya gushimira umuyobozi we w'igihe kirekire, Guy Oseary, amuha umugabane w’uburenganzira ku ndirimbo ze kubera inkunga ye itajegajega mu bihe byiza n'ibitoroshye.
Madonna ntiyifuza ko hari umuntu uzakoresha ibihangano bye avuga ko arimo kumukorera ibitaramo
Mu kwezi gushize, Madonna yahangayikishije abafana be nyuma yo kuremba akajyanwa mu bitaro akamarayo iminsi.
Raporo zerekana ko uyu muhanzikazi w'icyamamare kuri ubu ameze nabi, yumva ananiwe cyane, mu gihe arimo kurwana no koroherwa yitaweho na muganga we bwite mu rugo.
Mbere yo gushyirwa mu bitaro, Madonna yari amaze iminsi 12 yihanganira yijajara kuko yari mu myitozo yo kwitegura ibitaramo bye.
