Kuri uyu wa 05 Ukuboza 2024, imirwano yongeye gukomeza i Kaseghe na Mighombwe hafi na Komini ya Kirumba ishyamiranya abarwanyi ba M23 na FARDC n'abafatanyabikorwa bayo barimo Wazalendo.
Iyi ni imirwano yakomerejeho kuko kuri uyu wa 04 Ukuboza nabwo impande zombi zari zacakiranye rubura gica.
Amakuru aturuka mu burasirazuba bwa Congo-Kinshasa aremeza ko ku munsi w'ejo hashize FARDC na Wazalendo bafashe imidugudu ya Mighombwe ba Kaseghe.
Indi mirwano iravugwa muri parike y’igihugu ya Virunga mu Majyaruguru ya Goma hafi ya Kalake nk’uko amakuru aturuka muri sosiyete sivile agera kuri Kivu Morning Post abivuga.
Hashize iminsi ine impande zombi zirasana ubudatuza, nyamara mu gihe byakabaye bari kubahiriza agahenge kari mu masezerano ya Luanda.
Uruhande rwa M23 biciye mu muvugizi wabo Lawrence Kanyuka aherutse gutangaza ko ingabo za Leta arizo zabatangijeho ibitero mu birindiro byabo muri Lubero nabo birwaho.
