Recording Academy, ishinzwe gutegura Grammy awards, yongey icyiciro gishya mu bihembo isanzwe itanga, ikiciro kiza ku muziki nyafurika. Ikicira cya Best African Music Performance, cyongewemo mu gihe hatahiwe gutanga ibi bihembo ku nshuro ya 66.
Uretse kandi Best African Music Performance, hanongewemo ibindi byiciro bibiri, Best Alternative Jazz Album na Best Pop Dance Recording.
Ikindi kandi, ibyiciro byari bisanzweho bya producer w’umwaka(producer of the year), non-classical, and songwriter of the year, bizimurirwa mu byiciro rusange.
Ibi byiciro byongeweho n’ibyahinduwe, byatowe kandi byemerezwa mu nama ya Recording Academy iheruka, inama y’abayobozi bakuru, yabaye mu kwezi gushize.
Grammy Awards hongewemo ikindi kiciro byanze bikunze kigomba kujya gitwarwa n'umuhanzi wo muri Afurika.
Ku munsi w’ejo ku wa Kabiri, Harvey Mason Jr., Umuyobozi mukuru Recording Academy, mu ijambo rye, yatangaje ko ibyiciro bishya bigamije gushyigikira ubwoko butandukanye bw’umiziki.
Ati: “Recording Academy yishimiye gutangaza impinduka ziheruka mu bihembo byacu. Izi mpinduka zigaragaza ubushake bwacu bwo gutega amatwi no gusubiza ibitekerezo by’umuryango mugari wa muzika, kwerekana neza no gushyigikira ubwoko butandukanye bw’umuziki, kandi tugakomeza guhuza n’ubwoko bw'umuziki bugenda butera imbere.”
Kongeramo iki cyiciro cy'abanya-Afurika, ni uguha agaciro ibihangano bikoresha imvugo yihariye yo mu karere ka Afurika.
Injyana zo muri Afurika twavuga nka, Afro-fusion, Afro Pop, Afrobeats, Alte, Amapiano, Bongo Flava, Genge, Kizomba, Chimurenga, High Life, Fuji, Kwassa, Ndombolo, Mapouka, Ghanaian Drill, Afro-House, South African Hip-Hop, and Ethio Jazz.
