Harry Maguire yahamagawe mu ikipe y'igihugu y'u Bwongereza igiye mu mikino yo gushaka itike ya Euro2024 aho bazakina na North Macedonia na Malta, n'ubwo uyu mugabo yakinnye imikino irindwi gusa muri Premier League y'uyu mwaka.
Gusa umutoza w'ikipe y'igihugu y'u Bwongereza, Gareth Southgate, yabwiye uyu mugabo ndetse na Kalvin Phillips ko ibyo bitahoraho kuko hari abandi bakinnyi bashobora guhamagarwa bo bagasigara.
Southgate ati:"Ntabwo ari ibintu bizakomeza iteka ryose. Ni nko kuri Kalvin Phillips, ni abakinnyi b'ingenzi kuri twe."
Kalvin Phillips nawe yagowe no kubona umwanya wo gukina muri uyu mwaka w'imikino dore ko umukino wa mbere yabanje mu kibuga ari uwo Manchester City yatsinzemo Chelsea ku Cyumweru.
Southgate ntazakomeza guhamagara abakinnyi badakina mu makipe yabo(Net-photo)
Southgate yakomeje ati:"Birumvikana uko bikomeza[kuba Maguire adakina] igihari nuko dufite abakinnyi nka Marc Guehi, Lewis Dunk, Tyrone Mings....abakinnyi bari gukina neza ariko badafite ubunararibonye ku rwego mpuzamahanga.
"Ariko tugomba gukkmeza gushaka ihangana muri kiriya gice[ubwugarizi]."
Kuva uyu mwaka w'imikino watangira, Harry Maguire ni umwe mu bakinnyi vatakaje umwanya muri Manchester United ya Erik Ten Hag ariko ntiyigeze asiba guhamagarwa mu ikipe y'igihugu.
Uyu musore waguze miliyoni 80 z'amapawundi mu 2019 ari ku rutonde rw'abakinnyi 13 bashobora kuva muri iyi kipe mu iyi mpeshyi, mu gihe umutoza Ten Hag ashaka kubaka ikipe ihangana.
Maguire ashobora gutakaza umwanya no mu ikipe y'igihugu(Image:Getty)
Abakinnyi Gareth Southgate yahamagaye
