Umunota wa 90 wageze ari ibitego bitatu bya Manchester City byatsinzwe na Kevin De Bruyne watsinze bibiri ndetse na John Stones, kuri kimwe cya Arsenal cyatsinzwe na Rob Holding.
Ku munota wa 90+5 nibwo Erling Haaland wari wagiye ahusha uburyo bwinshi muri uyu mukino yatsinze igitego cya kane cya Manchester City muri uyu mukino, kikaba igitego cye kimwe yatsinze ariko cyatumye akomeza kwandika amateka mashya.
Iki ni igitego cya 49 Haaland yatsinze mu marushanwa yose amaze gukina muri uyu mwaka w'imikino, kikaba igitego cya 33 muri Premier League 2022-2023. Uyu musore yahise akuraho agahigo ka Mohamed Salah ko gutsinda ibitego byinshi muri Premier League y'imikino 38, kuko Salah we yatsinze ibitego 32.
Erling Haaland aracyafite imikino irindwi ya shampiyona yo gutsindamo ibitego ahocashobora no kubayageza kuri 40, ibitarakorwa n'undi mukinnyi muri shampiyona ya Premier League y'imikino 38.
Usibye kuba yatsinze igitego muri uyu mukino kandi, Haaland yahaye Kevin De Bruyne imipira ibiri yavuyemo ibitego ku gitego cya mbere n'igitego cya gatatu. Ibi bivuze ko Haaland amaze kugira uruhare mu bitego 57 muri uyu mwaka w'imikino.
Ikipe ya Arsenal ikomeje kuyobora urutonde rwa shampiyona aho yakomeje kugira amanota 75 ikaba ikurikiwe na Manchester City ifite amanota 73 ariko igifite imikino ibiri itarakina.
Erling Haalan akomeje kuba intakoreka kuri ba myugariro(Image:Getty)
