Nyuma yo gukurwa ku mwanya wa mbere n'umuherwe w’Umufaransa Bernard Arnault, Elon Musk yisubije icyubahiro nk'umuntu ukize kurusha abandi ku isi.
Umutungo wa Elon Musk kuri ubu ufite agaciro ka miliyari 192 z'amadolari ya Amerika nk'uko bigaragara ku rutonde rw'abaherwe rwakozwe na Bloomberg, aho akurikiwe Bernard Arnault, umuyobozi mukuru wa LVMH (LVMHF), ufite umutungo wa miliyari 187 z'amadolari akaba ari nawe wari umaze iminsi ku mwanya wa mbere.
Nyuma yuko imigabane ya LVMH ya Bwana Arnault yagabanutseho 2,6% mu bucuruzi i Paris, ejo ku wa Gatatu, umuyobozi mukuru wa Twitter yahise ahigika iki gihangange cyo mu Bufaransa.
Aba ba-centibillionaires bombi, ijambo ryakoreshejwe mu kuvuga abantu bafite ubutunzi burenga miliyari 100 z'amadolari, bamaze amezi menshi ari bo basimburana kuri uyu mwanya.
Bwana Arnault ayoboye ibirango(brand) binini ku isi birimo ibigo nka Louis Vuitton, Tiffany, Celine na Tag Heuer.
Dore urutonde rushya rw'abaherwe:
Elon Musk: $192b
Bernard Arnault: $187b
Jeff Bezos: $144b
Bill Gates: $125b
Larry Ellison: $118b
Steve Ballmer: $114b
Warren Buffet: $112b
Larry Page: $111b
Sergey Brin: $106b
Mark Zuckerberg: $96.5b
Carlos Slim: $89.4b
Francoise Bettencourt Meyers: $85.5b
Mukesh Ambani: $84.7b
Amancio Ortega: $67.8b
Jim Walton: $67.2b
Rob Walton: $65.5b
Alice Walton: $64.4b
Zhong Shanshan: $61.5b
Gautam Adani: $61.3b
John Mars: $60.6b
