Rurangiranwa mu mupira wamaguru ku isi, Cristiano Ronaldo, yongeye kwandika amateka. Gusa kuri iyi nshuro ntabwo ari mu kibuga, ahubwo ni mu isi y'imbuga nkoranyambaga, nyuma y'uko channel ye nshya ya YouTube "UR Cristiano" imaze kugera ku bafatabuguzi(Subscribers) barenga miliyoni 10, mu gihe kitarenze amasaha 24!
Si ibyo gusa kandi, kuko yuko Ronaldo yari yananditse andi amateka ku isi nyuma yo kuzuza miliyoni 1 y’abafatabuguzi kuri YouTube mu minota 90, agahita anahabwa ishimwe rya "Gold Play Button" ku munsi umwe (ejo) nyuma y'amasaha make amuritse iyo channel ye ku mugaragaro.
Mbere ya Cristiano, ayo mateka yari yarakozwe na kizigenza muri K-Pop, Jennie Kim, wujuje abafatabuguzi miliyoni 1 mu masaha arindwi.
Kugeza ubu channel ya Cristiano yise "UR Cristiano" ifite abafatabuguzi barenga miliyoni 14, byiyongera ku kuba ari we muntu ukurikirwa n'abantu benshi ku rubuga rwa Instagram.
