Umuhanzi wo muri Nigeria wegukanye igihembo cya Grammy, Damini Ogulu, uzwi cyane ku izina rya Burna Boy ari kunegwa nabatari bake ku mbuga nkoranyambaga nyuma yuko abafana bamutegereje mu gihugu cy'Ubuhorandi mu gitaramo akabahakanira igicuku kinishye nyuma yo kumutegereza amasaha abiri yose.
Ku wa Gatandatu tariki ya 17 Kamena, mu masaha y'igicuku nibwo umuhanzi Burna Boy yari ategerejwe kuri sitade GelreDome, Arnhem mu Buholandi. Iyi sitade ijyamo abarenga ibihumbi 41,000 ikaba yari yakubise yuzuye abafana bicaye bategereje ibyishimo bya Burna Boy.
Burna Boy yatengushye abafana be mu Buholandi
Nyuma yuko abafana bategereje bagaheba, ahagana i saa sita z'igicuku nibwo Burna Boy abicishije ku rukuta rwe rwa Instragram yatangaje ko atakibashije kuboneka imbere y'abafana bari bamutegereje ngo kubera impamvu nyinshi zitandukanye.
Akaba yakomeje atangaza ko ikipe ye yakoze ibishoboka ngo ahagere ariko bikarangira byanze. Akaba yarasezeranyije abafana be ko azabatangariza itariki y'igitaramo vuba aha.
Icyakora rero, abafana ntabwo bigeze bakira neza ibyo Burna Boy yatangaje ndetse bakomeje kumunenga cyane hamwe n'ikipe ye kuba yaratumye bamutegereza amasaha arenze abiri yose ku isaha yari kuhagerera, ndetse bamwe bakongeraho ko ari agasuzuguro.
Burna Boy ari guterwa amabuye n'abafana nyuma yo kubatenguha
Magingo aya uyu muhanzi ntabwo aragira ikindi atangaza nyuma yuko abafana bakomeje kumutera amabuye ku mbuga nkoranyamabaga.
Icyakora rero nubwo Burna Boy yatengushye abafana, ariko akaba aheruka gutanga ibyishimo ku bakunzi be mu mpande z'isi zinyuranye, dore ko aheruka kuririmba ku mukino wa nyuma wa UEFA Champions League muri Turukiya bikaba kandi byari nyuma yuko yari akubutse Paris na London mu bitramo by'imbaturamugabo.
